雜記

這陣子身體有點累，精神一般，好想放假hEA下，準備去日本的事大都完成，不個都係靠哂阿進，真係唔該哂佢。

今日晚上有個official 飯局，在尖沙咀，一般期待。

平常的一天

做左半個月AED，基本上都可以適應了。不過看的症幾古怪都有，仲係有好多野唔識，最怕遇上一些psy的病人，就更加唔識點樣manage，這是我這幾天在EOP(即急症觀察病房)的感受。原來真的有不少的psy 的病人去EOP，語無倫次的有，抑鬱自殺的有，食藥拍丸的也有，所以都可以想像到做psychi 的醫生真係好好野，我就接受不了。這裏的醫生都很好人，基本都唔算太忙，主要係一些文件工作。

爸爸在工作上遇上一些問題，要調去元朗返工，希望佢可以很快適應，有平安。

昨日夜晚去左跑步，跑得很辛苦，大概係我吃得太飽了。

第一晚Night

第一次返AED的N shift，十一點就準時開工。不料當晚可謂冚得很，真不明白為何在第二日假期晚上，還有這麼多人。基本上，我都沒有停過看症，一直到六點幾才下班，原來都真係幾累。有趣的是，我看了幾個症，病人都係俾人打/弄傷，難道放假的人比較躁些。

之後返埋主日學，崇拜，都累到不行了，一回到家就睡，一睡到八點幾才食晚飯。

希文話，在AED三個特別要注要的人，會罵人，明明AED有咁多人，我卻常常遇上他們，有點太好彩了吧，不過so far現在都沒什麼大鑊野，以後就不知道了。

二男飯聚

二男，係我地一班係med5時，在何宿二樓的一班男仔，成員共有八個。那時預備final MB，大家都好緊張，我地常常一齊食飯，一齊讀書，那年也發生了不少事，都一起過了。

昨日和他們終於都再聚一起食飯了，自MB過後，都幾難一次聚上這麼多人。再見他們，大家的身份都各有不同，各有出路。食完飯後，再去飲嘢，有些朋友喝酒，不卻不太想喝，只要了fruit bunch。晚上的話題都離不開女朋友呀，結婚呀，投資呀，又不時講下d衰嘢，哈哈……真係笑個不停。

不知道下次可以幾時再聚呢。

急症"先峰"

終於都來到屯門醫院的急症室，開始三個月的實習。
由於我是FM trainee，主要都係看cat 4,5，亦非緊急的症，一點都沒有什麼ER呀，妙手仁心的感覺。第一日去到，半白日夢狀態，一來完全新環境，新人事，也是許多東西唔識，所以都幾徬徨，基本都係不停地問人問人。我地AED每一個shift都有quota要達到，是至少四十五個病人，不過原來都無幾多個人可以達到的。我第一天就只有二十個。

現在都做了幾日，漸漸都適應，不過時間表要到現在才叫明白一點，幾時要night, 幾時p等等。到這裏的感覺有幾個：
1) 急証要看許多症，要快要準，最重要係唔可以miss一些重要致命的，加上好多時都係一個人在診症室做，有時做錯都冇人知，自己都唔知，所以壓力都幾大。
2) 要看的症幾多完化，幾古靈精怪都有，所以要個knowlegde都有番咁上下先得，即係要「的」得心肝讀下書了。